2016年2月18日 星期四

台灣光澤複合式抽脂‧放低3000cc肥肉之台灣7天遊

相信有Follow 我FB既朋友仔都已經知道我去左轉台灣放低左堆肥肉^^"

哈哈,無錯又係我哋四個啊。其實我哋成日咁見法,悶唔悶架XD我哋今次嘅行程係…冇行程,都係行街買嘢,見下朋友。其他細節就唔講啦XDDD哈哈哈!

不過,話都無咁快就有個小意外發生左...我一落機就嚟M啦>.<
勁擔心我做唔到抽脂手術T^T
不過HEA玩左幾日之後,姨媽都及時離開,終於有驚無險出發去光澤診所抽脂去! YAYAYA!




先講下呢間光澤診所,連范冰冰都特登過黎做療程,都咪話唔勁。
我係去板橋店的,係外面已經見到招牌,光澤就係6樓。


但原來光澤有成三層架,每層負責唔同既療程。
咁抽脂當然係去整形個層啦。


首先當然要登記,填返D個人資料和病歷,之後就可以同顧問小姐進行咨詢啦。
我問咗十萬八千條問題,顧問小姐都好有耐心咁樣解答我嘅疑問,仲同我分析我既需要,細心到一個點@口@我有被溶化既感覺XDDD

你試吓係香港好似我咁樣問問題,問唔多過三條,個顧問一定同無話:「小姐,不如你搞清楚先再嚟啦。」再搭送一個黑個鑊燶既口面...

我今次會做既係複合式抽脂,簡單D講就係先以璨笑振動抽脂抽出【深層脂肪+中層脂肪】,再用水刀式抽脂修飾中層脂肪層,等佢平滑D,最後依部位需要搭配雷射溶脂溶出【淺層脂肪】,雷射既熱能仲可以緊實拉提肌膚,改善因抽出大量脂肪肌膚可能出現既鬆垮現象。

手術時間(含諮詢)大約係 3~4 小時,手術後休息約 1 小時就可以正常活動啦。

問清問楚就去度高磅重啦,跟手直接見主診既王醫生(超帥的>////<)
不過一見面就要暴露哂我既身型佢睇添^^"
本身我想主力做腳同Pat Pat,但同王醫生溝通後,原來小腳主要係肌肉,抽脂既幫助唔大,最後決定轉馱做肚同大腿,而大腿亦唔可以一次抽太多,所以只做外側,令線條更靚,著褲就唔會有問題啦。

最後定案做上腹+下腹+腰側+下背+馬鞍+大腿外側,哈哈,反一一

決定好之後,王醫生就去左做準備,護士姐姐再同我講解返手術後要注意既事項同埋可能會面對既情況,簽左同意書就度身同埋插喉。


之後王醫生就返黎同我畫公仔啦XD
其實係同我標記返要抽脂既位置同範圍,之後就正式入手術室啦>////<
冬天要唔著衫全身搽一層碘酒,都咪話唔辛苦,呢下絕對係成個手術最痛苦既過程,真係凍到我成個人震哂,但講堅又真係好消毒好先得,唔係手術過程中受到感染就真係唔講得笑啦!
忍住呀!!!

上到手術床,見到王醫生都準備好哂,護士就幫我打左止口水既針,防止手術過程中出現口水倒流既情況,之後就進行睡眠麻醉啦。
打針後護士問左我兩句你覺得眼訓嗎......我就已經無哂記憶啦。


到我醒返既時候,好似已經係三個幾鐘後既事。
手術過程完全零知覺,起身後除左眼訓之外,對答完全清晰,護士姐姐仲同我講解要點照顧傷口,兼準備哂需要用到既物資。

我起身既時候已經著左黎台灣之前訂造既塑身衣,見到肚仔有D凹凹凸凸,但望落真係瘦左喎。

精神左一陣,起身都唔覺有咩事,但突然有少少暈@口@
原來我手術後出現血壓低既情況,我本身血壓都係偏低既,細個成日休克同暈,手術過後身體可能比較弱就見暈了,不過訓低又精神返=口="


手術完左當晚返酒店,對腳好似俾人毒打完咁,但痛就唔係好痛既,唔掂到既話。
傷口係未縫針的,會係咁流血,因為要等佢流返D組織液同瘀血出黎,仲可以減少腫脹架。
不過同行朋友俾我咁滴血法嚇餐死>.<I'm so sorry呀~

第二日去縫針,又訓過,縫完再暈過=口="
係診所打左四瓶點滴,血壓先回復正常,個人Keep住要坐低/訓低,結果...


手術後第三日返香港,我有輪椅坐XDDD
仲有好多人照顧我,辛苦哂大家。

返到香港既事,就等我睇埋個抽脂成果再同大家報告啦:)


港澳fb : www.facebook.com/DR.shine.hk
台灣區官網 :http://www.dr-shine.com.tw/

「療程及有關資料由品牌提供」

沒有留言:

張貼留言

Related Posts Plugin for WordPress, Blogger...