潮樂園‧正宗潮州師傅但唔係打冷?!

話說，尋日同朋友去食潮州野，話係請左正宗潮州師傅煮，其他地方未必食得到。
Yandy一心唸住食凍蟹、甩皮魚。
去到居然唔係食呢D!!!@口@

原來呢間潮樂園係主打手打丸同鹵水野。

就試下D丸先啦，上面是魚蛋、下面係墨魚丸，全部都係自家製，老闆拍心口保證絕無溝粉。
粒粒都係魚肉同墨魚打出黎既，真材實料。
口感比外面食到既冇咁實，咬落彈牙，仲魚有魚味、墨魚有墨魚味。




老闆大推呢個韭菜餃，包就包得麻麻地，痴既位太實，食到成口粉，但個餡好香韭菜味，少肉唔會濟，香口又Juicy。


蠔餅一定唔少得啦，呢到既蠔餅真係好抵食，一蝶兩大件，D蠔大大粒夠哂肥美。
煎得香口又唔會太硬，蛋香都出到黎。


鹵水拼盤還滿豐富的，有墨魚、紅腸、腳手、鴨舌、雞腎、豬頸肉、鵝腸及豬大腸。
有夠大堆頭了吧?!
鹵水汁是秘制的，不像一般的鹵水汁一直加豉油，而是用上不同的香料調配出來。
咸味有的，入口後還多一份回甘味。


鵝肉是老闆推薦的，其實味道很不錯，也喜歡它切成薄薄的一片，很入味。
不過骨就碎左少少，皮又有D肥咁啦。
都係鐘意鵝片多D，啖啖肉，岩哂我地班死懶鬼XDDD


最後黎個蘿蔔當菜食，老闆話D蘿蔔係唔係切的，切會切斷哂D纖維，冇咁好食。
食落又真係好食D喎。

其實有叫蠔仔粥，不過見到芫茜係面，我掂都無掂過。
朋友就話好好味，個湯仲係用魚湯煮，好入味咁話。

唔知係咪新舖，老闆好落力招呼，又介紹新野，食物水準OVER ALL都唔錯。
係冇食到凍蟹有少少唔多夠喉啦 :)