出走香港透透氣‧快閃台北宜蘭三日兩夜

相信香港最近既情況真係令所有人都好DOWN，係呢個世代生活，連快樂都覺得好奢侈。
去完個歐遊加冰島，長途旅行要等下。

唔知點解最近台北機票勁抵，最平見過$1,1XX，真係近近地去個幾日吃吃喝喝就最岩。
當係俾自己透透氣，唔係好易屈到病呀。


不得不提，台北D Cafe真係好有水準，是但一間都咁靚，打卡當然係一絕。




是但一間都唔會令你失望。


而且食物質素都唔錯架，連我呢個唔多好甜食既人，都覺得又靚又好食。


如果你去台北去到有D悶，我建議你落宜蘭玩下。
由台北搭火車唔使一個鐘就到，淨係個車站已經好有特色可以影餐飽。


其實由成個車迨延伸開黎都係幾米廣場，《向左走，向右走》、《星空》、《地下鐵》等等大把場景。


溫泉緊係一定要去浸下，入場費唔洗HKD100，起碼有10個池，係大到可以游水既溫泉。
所以記得要帶泳衣，無帶係附近舖仔買返套都係HKD100-200。
點解我知? 因為我咪係無帶泳衣個個人囉XDD


浸完溫泉，食返個蔥油餅，朋友介紹既呢間聽聞好出名，平時走蔥既我表示好正呀!!!
三星蔥果然名不虛傳。


夜晚食大餐，一人一鍋，和牛、海鮮有齊，埋單只係HKD250一位，抵到爆開左!!!

玩完三日兩夜，又要返香港面對現實啦XDD