基本保養就一定做既，久不久都要修剪下，但玩咩造型都只可以Keep半日。
之前試過電曲髮，第二日洗個頭可以同做左負離子一樣，補電左兩次，搞到我唔再敢去個間Salon，講真心個句，我堅係無咩心機搞個頭>.<
但今次黎Salon Boku唔係搵Porky剪頭髮做咩呢?
事源三月尾，我老闆非常好人咁請左我地去間高以級Salon整頭，個Stylist指左個八爪魚外撓頭話係2016新Trend，話幫我整，我非常鄭重咁拒絕左三次都不果>.<"
結果整左個底係黑色，加左D隨意漂出黎既Highlight...
明明行開日韓風，佢堅持要幫我轉外國風，唔係外國風唔靚，我相信呢件事如果放係個金髮鬼妹身上應該幾有味道既，只係我Handle唔到...
呢個最Trendy既外國風頭跟左我唔夠一個月，我每一日起身都覺得非常之咁睇自己唔順眼，著衫著潮D好似變左MK妹，著得普通又似鄉下妹>口<
終於忍唔住決定係生日前解決左佢，當係送俾自己既生日禮物，而且我堅唔想去到日本所有相都係一個MK頭，我堅係會唔影相。
今次由Daniel出手，要處理個堆隨意既Highlight真係好頭痕，最後決定輕輕漂一漂先，但唔會漂太耐，Keep返個髮質又可以令到底色同D Highlight個色差相近返，再做左兩次Colour，第一次係Balance返個色差，第二次做返隻靚色!!!
佢幫我揀左Shiseido呢隻PM11色，漂左既話會係淺藍色，我只係輕輕10分鐘，加上本身髮色都係比較黑既，出黎會係少少灰啡既感覺。
首先漂左先，對上個次漂頭懷住惶恐不安既心情，完全無留意個漂髮劑原來咁靚架喎。
整頭呢家野，雖然頭毛會再生，但過程是漫長的，都係搵過令你安心既師傅好D，唔係坐係到個幾個鐘真係如坐針氈架呢。
你睇我仲有心情影相就知我今次心情輕鬆啦，BTW，染之前仲幫我搽左D保護頭髮既產品，真係完全唔洗擔心：）
平時漂髮大約要等兩個鐘，今次只係想個漂返淺少少我本身既髮色，大約等左十幾分鐘就洗得啦。
洗既時候都有D Kick髮，但髮型師都好溫柔咁慢慢洗開佢，再加少少按摩舒緩返，Like!
漂完吹返乾，黑髮拜拜，我見到光明XDDD
漂完頭髮既質感唔同左，好似有D野包住左條頭髮，但個人幾鐘意呢個感覺，因為本身D頭髮又軟又無力，漂完髮質雖然感覺無咁順滑，但就多左Volume，想試玩而家好流行既淺色髮就要自己取捨下啦。
跟手全頭染返均勻個底色，唔洗咁橙。
染完似返日系既亞麻色，最後染返之前揀既P11色。
點解要染兩次? 因為淺色髮只Hold到一星期左右，之後甩色就會變返呢個自然啡Tone色。
呢D髮型師咪好囉，幫你唸埋。
唔係興咩就幫你整咩，有咩事等你發現返黎又可以收多筆。
好緊張呀，就快睇到最終效果啦!
Daniel仲幫我夾埋個日系空氣感髮型，隻冷色灰啡調自然得黎又有潮味，陽光下帶少少藍綠色，之後甩色都係變返自然啡Tone，唔洗驚個頭一達達色。
呢個Before After真係無得輸。
無Daniel日日幫我set日系頭，但唔洗set個頭都靚，開心返哂過生日，兼過埋日本玩，咩角度、咩光線個髮色都咁靚，柔和得黎夠特別，張張相都爆多Like：）
玩左一星期左右，仲仲見到少少藍綠色，而甩左既位置亦唔會好金，自然既亞麻色。
頭髮呢家野真係要交俾信任既人先得，開心返哂：）
平時搵開Porky剪頭髮$490@，8折左都差唔多$400次，真心貴，但係得佢搞得掂我個頭。如果你唔係好似我咁頭髮問題多多，又少又薄兼一到夏天痴笠笠>.<
其實可以試下Daniel，剪$280落樓，第一次仲有8折，個價親民好多XD今次咁搞一搞，漂左一次，再染兩次，三次夾埋一次做，$2280仲有8折，生日豪一次啦，開心無價。
Salon Boku：https://www.facebook.com/SalonBokuPorkyChu/
平時搵開Porky剪頭髮$490@，8折左都差唔多$400次，真心貴，但係得佢搞得掂我個頭。如果你唔係好似我咁頭髮問題多多，又少又薄兼一到夏天痴笠笠>.<
其實可以試下Daniel，剪$280落樓，第一次仲有8折，個價親民好多XD今次咁搞一搞，漂左一次，再染兩次，三次夾埋一次做，$2280仲有8折，生日豪一次啦，開心無價。
Salon Boku：https://www.facebook.com/SalonBokuPorkyChu/
「產品及有關資料由品牌提供」
沒有留言:
張貼留言