最近忙到一頭煙，去Cafe悠閒返下先XD
今次搵左尖沙咀呢間NORAYO K-CAFÉ，以最地道的韓國美食為主打，體驗一下韓式美食。
未入場、先興奮，韓國Cafe最大特色就係影相一定靚!!!
未上到樓，成幅牆已經充滿韓國風的Cafe感覺>v<
上到去更加吸晴，店內的布置與弘大不少Cafe一樣，由韓國畫家畫上繽紛壁畫，分成多個區域，每個角落都佈置得好仔細，好有特色，到到都係影相位呀!
不過個晚客人好多，費時瘋狂自拍嚇親人，留返個神秘感等你地自己去體驗：）
未齊人，食住少少野等下先。
韓式壽司正確叫法是紫菜飯卷(韓文叫Gim Bap)，餡料每間都不同，這次試了牛肉紫菜飯卷。
味道MIX得幾好，口感豐富，不過就包得比較鬆散，好易散開哂，但總好過雪硬哂個D既。
再黎個韓式拳頭飯團，我承認係俾個名吸引左
終於都等齊人，呢個現炒辣年糕必試!!!
集齊所有韓式配料，又甜又辣咁，仲夠哂台型：）
靚仔韓藉店長親自幫手一直炒，U WIN!!!
食住年糕、紅薯粉，等煮到咁上下，兩邊既芝士同蒸蛋就差唔多食得啦，慢慢熱令芝士同蒸蛋滑到震>v<
最後放埋公仔麵落去煮，吸哂D味，精髓所在!!!
最後緊係要食埋個甜品作結啦!
雖然我一向都唔好甜品，但呢個蜜瓜清清地MIX埋D雪花冰，食到咁上下，加埋煉奶同朱古力漿，唔會太甜，又有唔同食法，幾好喎。
最後以甜薯鮮奶作結，帶甜又有淡淡的奶味。
整體食物吸引之餘，靚仔韓藉店長絕對是大賣點XD
食色性也，絕對值得多D去：）
沒有留言:
張貼留言