密密練‧冇停手‧終於出現第一次的perfect妝容啦!!!

早前見到芝芝，佢話我好似係TZ消失左咁...
嘩!!!有咁嚴重咩?!
問心個句Yandy真係少左上TZ，但唔係我懶呀>.<~
只係公司最近實在太忙啦，自己又密密練妝+出JOB，仲幫朋友仔搞緊個秘密基地。
時間表真係排到密麻麻呀，成個5月真係做到散哂呀...

為左證明我冇偷懶，今日分享一堆練妝相啦。
首先係Pipi, 咁岩個日有少少空當，就捉左Pipi上黎我家啦，住得近既好處。


下晝開始化，化完已經冇左日光啦，所以AFTER張相既光有D怪，仲影到油霖霖咁...屋企既lighting實在唔岩影相...
第一次見識到貼完眼睫毛變雙脈皮既狀況!!!
化橙色都冇眼腫問題出現!!!((真係要讚下自己呀>////<~
Pipi仲話化完似唔知邊個日本明星...((Yandy冇咩留意日本明星...
Anyway~Pipi喜歡就好了~^^~
是日忘記合照!!!可惡!!!係我最期待既親近時間黎架嘛...>.<((淚
再來找了同學Redz，她生病都應約呢>.<感動死我了...
不過如果有話我知病緊，Yandy一定會叫佢返去休息架，唔好以為坐係到俾人化好舒服，其實都幾累架...

是次練妝，miss話好好呢，冇野要改!!!第一次的perfect!!!
最開心係鼻鼻上面粒大暗瘡遮得好好呢!!!
今次真係辛苦哂Redz啦。

***合照唔記得UPLOAD，後補!!!
跟住又係TZ既美女--小柔。
唔覺唔覺同小柔都識左好耐啦，佢讀緊中學個時已經識，玩TZ先知原來佢一直有寫Blog。
皮膚仲係好似中學時咁白滑，羨慕死人咩...
幫佢化左個超淡妝，因為佢之後約左男友啊。男仔都係鐘意女朋友清清地啦~

今次Yandy幫小柔set埋頭呀，把頭髮咁靚唔好浪費嘛~XD~
呢次練妝都係VERY GOOD呢!!!正正正!!!
睇下個髮型啦。

係雜誌到自學返黎架，第一次落手整...個髻再圓D就靚哂啦。
因為小柔跟住仲要見男朋友仔，所以冇落到Spray，有少少髮絲走左出黎。


合照合照!!!ya!!!
小柔話睇唔慣自己紮起哂D髮頭個樣呢。
認真問，有紮定冇紮靚D先?