Just A time‧山羊咩咩咩

最近天氣時凍時熱，反反覆覆，搞到我D皮膚有少少敏感徵象，真係要好似王貽興話齋，要即刻「亡羊補牢」呀！

即刻轉返套Just A time既山羊乳基本護理系列‬「亡羊補牢」先。



你見唔見到包裝上面隻羊咩咩XD
山羊乳基本護理系列最重要既成分當然就係山羊既奶啦XD
王貽興話我知山羊乳既pH值係7左右，同人體皮膚pH值差唔多，搽起黎就相對溫和，對我既敏感皮膚緊係要俾多少少呵護啦：）

而且含有山羊奶既產品，仲有淡化斑點、減少皺紋、延緩衰老、滋潤肌膚、防止水分蒸發的咁多功效，絕對有助維持肌膚健康架。


Oil 2 Foam Cleanser 山羊乳泡泡潔顏油

保養永遠應該由清潔開始，我知敏感時最好俾肌膚休息，之但係我要見人架嘛>.<

淡淡地遮下醜點都唔少得架啦。

山羊乳泡泡潔顏油將卸妝同潔面二合為一，洗少次咪少D拉扯，多D呵護囉。

一扭一泵，潔顏油係偏豐厚既油狀質地，聞落係淡淡既花香味。

化左妝好似皮膚好靚咁，但事實好快會出現XDDD

直接用潔顏油係面上打圈，潔力好唔錯，打圈三、兩下已經唔見哂D粉底啦，開眼都唔澀，感覺都幾溫和，眼妝部分亦輕輕鬆清潔。

呢個時候就可以加少少水進行乳化既步驟啦。

卸妝油加水後變成潔顏泡沫，卸妝潔面二合一就係咁方便，一次過少D拉扯。
洗完都幾滑，但感覺太滑，過水要過多幾次先覺得安心XDD
保濕功效都唔錯，敏感既泛紅明顯有改善。


Mikly Soothing Toner山羊乳鎮靜爽膚水

清潔之後就係爽膚水，我個人嫌個開口位細左少少，要倒幾下先夠。
質地偏厚身，好Rich既感覺，直接用手上就OK啦，因為一推開就會變成水狀。

都係花香味的，會忘記左佢係山羊奶XDD

保濕力高，仲有舒緩功效，一上面就吸收，唔覺黏膩，泛紅即時再減, Nice!

Cover-up Changing Eye Cream山羊乳調色遮瑕眼霜

眼霜最特別既地方係識得變色，明明係白色，推開居然變左米黃色，有微微既調色功效，岩哂返學/想扮素顏既時候用XD


搽係眼底可以稍稍修飾黑眼圈同細紋，唔好唸住唔洗搽遮瑕，但唔化妝出門既話，用左真係無咁殘樣，不過我只會早上用，感覺有色既野都係落一落妝安心D，心理關口問題XD

Milky Droplets Moisturizing Cream山羊乳水珠護膚霜

最後緊要搽返個Cream lock實D水份，護膚霜質地好柔滑，一推開會變水珠，D水珠就係真‧羊奶啦!!!

滋潤度幾唔錯，搽完會有少少柔白既效果，一掃黃氣，肌膚變得更加柔軟，天氣咁潮濕都唔覺笠痴痴，不過都係個句，有修飾效果既產品，我都係早上先會搽，一定要落妝先安心XD

山羊乳基本護理系列我覺得都幾溫和，保濕效果好唔錯。
我覺得好適合轉季時既小敏感，眼霜同護膚霜都有少少修飾效果，敏感唔想化妝就靠佢地都叫見得下人。如果肌膚出問題，就要快Ｄ‬「亡羊補牢」啦：）

Just A time 專櫃
銅鑼灣告士打道280號WTC More世貿中心P1層C9號舖
大埔超級城2樓Zone B區OS-16 (3月21日開幕)

Facebook：https://www.facebook.com/JustAtime.hk/
產品可以直接在FB上面訂購。

「產品及有關資料由品牌提供」