2017年10月24日 星期二

五感邂逅【美滴彈潤緊緻】肌膚觸感@KANEBO

呢幾日開始有點秋意,有D人係轉季期間容易膚況不穩,我以前都無呢個問題既,但歲月無情,又黎痘痘大爆發T^T
加上之前個次非常多之前痘痘的痕跡,又要從根本做起。


除住年齡老化,環境污染,還有各種熬夜以及壓力都會令肌膚老化,失去應有既活力,吸收慢慢變差,肌膚既問題就慢慢浮現>.<"



從最基礎既水份開始,Kanebo以透明質酸研究做主軸既 DEW SUPERIOR 美滴彈潤緊緻系列,以追求舒適度既五感設計,幫助孕育出更豐潤彈力的緊緻美肌。

女人對美肌既渴求真係無止境架:)


女人係水做既其實一D都無錯,人體有6-7成都係水份,缺水肌膚就好似凹哂無哂生氣>.<"
唔想好似上面個透明質酸啫喱球咁巖巖巉巉,最緊要識得補水,加埋舒適既五感體驗,無論肌膚定身心都即時彈滑有光澤啦:)


【DEW SUPERIOR美滴彈潤緊緻系列】
DEW Superior Lotion Concentrate 美滴彈潤緊緻化妝水 (HK$520/150ml)
DEW Superior Emulsion Concentrate 美滴彈潤緊緻乳液 (HK$590/100ml)

主打保濕功效,配方有Kanebo化妝品獨家研發的保濕成份HyaloSupportα*,透明質酸鈉、乙醯葡萄糖胺、水質絲氨酸120、岩藻精華。
加埋提拉保濕成份,月桃葉精華、甘油。

每款分別都有三個質感,清爽型/ 水潤型/ 滋潤型,切合唔同天氣、唔同膚質既需求。
我係混合性偏乾肌,由水潤型入手。

高貴草本花香,保養過程中背景都會開花XD

DEW Superior Lotion Concentrate 美滴彈潤緊緻化妝水 (HK$520/150ml)
水潤度高,而且具高滲透性,接觸肌膚時,水溶性高分子結構會產生變化, 令化妝水迅速滲透至肌底,同時可以幫助吸收後續既產品。


洗完面,搽上兩泵美滴彈潤緊緻化妝水,我鐘意佢份量標示得清清楚楚,比起一粒豆、2cm直徑黎得清晰簡單XD 

一定要講既係,一搽上面,吸收度真係超級快!!!!!
打2-3個圈已經吸收哂,搽完肌膚感覺清爽水嫩,皮膚乾燥既位置,好似鼻翼、下巴亦有大幅改善,連毛孔都變細哂。

DEW Superior Emulsion Concentrate 美滴彈潤緊緻乳液 (HK$590/100ml)
化妝水之後到乳液,質感比化妝水濃厚一D,但推開同樣水潤。
一泵份量就夠全面用啦。

雖然岩岩搽完化妝水,但再搽上乳液依然感覺清爽不油膩,又能夠增加皮膚保濕彈力。
比較容易脫皮既位置,或者容易長粉刺既地方我會多打圈按摩幾下幫助吸收,Feel到肌膚散發透透有水感>////<


另外,發佈會上,遠道由日本黎既Ms Morioka老師亦教我地可以用 美滴彈潤緊緻化妝水 擦拭臉上既污垢油脂、灰塵,抺完化妝棉變得灰灰地XD
但肌膚即時有緊緻彈潤感,再用多次化妝水,發現有事先抺過化妝水既一邊,吸收程度大大提升,可見佢既高滲透性。


正值換季期間,我肌膚狀態出奇地唔錯,感覺【DEW SUPERIOR美滴彈潤緊緻系列】表現真係好唔錯。
將最簡單既保濕做好,無論肌膚既柔軟細緻度、光澤感定彈性都有明顯既提升。

呢張係我係化妝工作時忍唔住都要影底既妝容。
由早上4:00a.m.左右化好妝,忙忙碌碌一直無補過妝直到6:00p.m.將近黃昏時一望,成14個鐘,妝容居然保持得非常完好,底妝帶微微既油光,但感覺透亮光澤而唔係油鴨面XD
使用時既舒適度到效果都令人好滿足,五感既邂逅,真係會令人突然好有恆心咁用到底:)

更多資料: http://www.kanebo-hk.net/chi/

「產品及有關資料由品牌提供」
Related Posts Plugin for WordPress, Blogger...