20周年換個新裝‧春夏持久妝＠RMK

為左紀念RMK誕生20周年，RMK底妝系列將以簡約、精緻的包裝設計全新出現啦♥
我都跟住RMK換個新妝‧新造型先得：）




RMK既新包裝印有品牌一貫的銀色Logo，並採用方角設計，蓋上印有絲帶形的R字，好有動感，兼具時尚同曲線美。
皇牌產品Makeup Base及Liquid Foundation，仲改用左泵裝設計，用起黎更方便。

不過，因應我最近惡劣到爆開左既膚質，我揀左呢兩款底妝產品。
♥ Long Lasting UV 長效防曬底霜 (HK$320/ 30ml)
♥ Creamy Foundation N 盈潤極致粉底霜 (HK$480/ 30g)


♥ Long Lasting UV 長效防曬底霜 (HK$320/ 30ml)

黎到春夏季，我特別注重防曬，畢竟我咁鐘意同陽光玩遊戲，真係唔敢偷懶^^"
長效防曬底霜有SPF45 PA++++，再加上蘊含大量水分，非常岩我呢。
用之前記得要先搖勻啊！


我最近既膚質真係差到一個點，瘋狂長痘中T^T
山桑子精華等保濕成分極速滋潤乾燥肌膚。
一粒珍珠般大小就夠全面用啦。


呢隻防曬底霜就完全係我既救星，質感水漾，觸感清涼，搽上肌膚到一下子有降溫效果，仲有效收緊毛孔。雖然一下子泵入大量水分，但同時具控油功效的粉粒，感覺好似包左層水膜係肌膚到咁，但摸上手非常清爽、不黏不稠，仲Keep到個底妝長時間輕盈自然。


♥ Creamy Foundation N 盈潤極致粉底霜 (HK$480/ 30g)
最近膚質差到一個點，對粉底既遮瑕度要求大增T^T
呢侵粉底霜蘊含摩洛哥堅果油及乳木果油等高效植物性保濕成分，有Coverage得黎，同時保有水潤亮澤既感覺，持久度仲非常之掂。
加埋獨特的Stretch Film成分緊致同提升輪廓，完美覆蓋幼紋，即使膚質未如理想，上完妝都可以呃得下人。


粉底霜既質感偏柔潤，類似軟膏狀，但延伸性極好，可以推到好薄，同樣一粒珍珠般大小就夠全面用啦。


有需要遮瑕既位置可以反覆印上粉底霜，黑眼圈基本上已經唔需要再做遮瑕，紅紅既痘印都遮到7成。
最鐘意佢質地潤澤，卻不會泛油光，仲有種微微既柔焦感，令膚質黎左個大提升。


細心用遮瑕膏處理返D痘痘，肌膚望落細緻無瑕，唔講絕對無人睇得出我膚質近乎GG狀態。
帶來極致貼服、飽滿富彈性的底妝。

令肌膚睇起黎飽滿彈滑感既粉底霜，遮瑕修飾效果非常高分，霧面自然妝感，加上散發淡淡透明光澤，同厚重粉感講拜拜，仲可以係春夏季節Hold住持久妝容，絕對係值得投資既底妝產品。

RMK專門店：銅鑼灣時代廣場、鑽石山荷里活廣場
RMK 專櫃：崇光百貨 (銅鑼灣店、尖沙咀店)、FACESSS、旺角朗豪坊 Beauty Avenue、一田百貨(沙田)

查詢電話: 2865-0941
www.rmk.com.hk

「產品及有關資料由品牌提供」