2016年11月25日 星期五

微笑小花聖誕妝@shu uemura Christmas


差唔多係時間送上本年度既聖誕妝容:)
今次既妝準備左好一陣子,無計啦,呢一套shu uemura既花花聖誕限量妝物實在太靚啦,一直都唔捨得開黎用>.<"




登登!!!
記得呢朵可愛既小花嗎?
3 年前村上隆聖誕限量系列中一黑一粉紅既《 六心公主》系列中,呢朵可愛既小花已經出場過,今次終於到佢做主角啦:)
shu uemura既產品都俾呢朵可愛到震既微笑小花進佔啦!
我地一齊開開心心化妝去:)


瞬間充膚保濕底霜 stage performer block:booster SPF50 PA+++

星級妝前底霜換上花花包裝超可愛的>////<
色澤係帶粉紅的,成個人都亮起黎,散發出粉紅氣息XD


最主要既三大功效係:
★ 阻隔環境侵害
★ 改善潤澤度及膚色
★ 修飾瑕疵
加入左最新既光線反射技術,可以均勻膚色,擊退暗啞。
之後好薄咁上返層粉底,做少少遮瑕,肌膚已經好有透亮感啦!

深海溫泉活水潤唇膏

底妝後即時搽左個潤唇膏打底先,平時我成日唔記得搽潤唇膏,次次都要Feel到痛先拿拿臨急救,呢枝潤唇膏既補水力超強,搽一搽好快唔痛,質感一觸即溶好似雪芭咁,仲即時平滑哂唇紋,陣甜味好加分。日常單用都好正架!


黎到最注目既限量版眼影胭脂彩妝盒,七種眼影配搭一款胭脂,輕鬆就能造出不同感覺的妝容。

眼影有成七隻色真係次次用都唔知點揀好,最簡單係分上排同下排用XD
相信下排浪漫既紫色都難唔到大家,所以今次我就試上排既橙紅調啦:)
用金色打底,眼尾用橙色混合,下眼角加少少節日氣氛既紅色,最後用銀白色打亮臥蠶。
效果自然柔和得黎,仲非常吸晴架。

眼線方面我想保有裸瞳感,就簡單用呢枝紫色只畫內眼線,眼尾稍稍拉長就夠啦。
突出眼型輪廓之餘唔會太死實,有自然既亮眼感覺。

最後用可愛既小花睫毛夾,夾出太陽花睫毛效果,用左咁多年始終最愛shu家的睫毛夾。
用返根根分明既睫毛膏搽1-2層,我今次用既係shu既啡色睫毛膏。
唔畫眼線,會令雙眼皮同睫毛更特出架:)

拎返個眼影胭脂彩妝盒出黎搽埋個胭脂,望落比較橙,但搽上面又粉嫩D喎,同埋佢有少少閃爍感,令面容望落更立體。

最後簡單搽上自然粉嫩色既琉璃彩光透亮唇膏,成個妝容就大功告成啦!


希望大家喜歡呢個微甜感既聖誕妝容啦:)
今次所有產品既包裝都充滿可愛既微笑小花,感覺相當歡欣愉快,聖誕節就應該係呢種感覺吧?

shu uemura Facebook Fan Page連結: https://www.facebook.com/shuuemura.hk
shu uemura 網頁連結: http://www.shu-uemura.com.hk
shu uemura 微博: http://weibo.com/shuuemurahk
shu uemura Instagram: http://instagram.com/shuuemurahk#

「產品及有關資料由品牌提供」
Related Posts Plugin for WordPress, Blogger...