2016年7月19日 星期二

Show off Beauty‧KIKO MILANO【The Beauty Games 】


KIKO MILANO全新推出以2016奧運為靈感的【The Beauty Games 】
全新彩妝系列,帶黎今個夏季最理想既妝容,睇下我點Show off Beauty啦。




奧運,最重要一定係運動員,充滿動感而又優雅迷人,凝聚每個人既目光,所有焦點都落係你身上。
不過運動呢家野,真係唔係我個飯,但要聚焦呢,我都有D計既:)


Colour Shadows Nail Lacquer Set 時尚美甲套裝 (HK$165, 2個系列)
Take it All Beauty Kit 臉部和眼部彩妝盒 (HK$220, 2個系列)


套裝有兩款,但都會一枝銀色,可以用黎做底油,另外三隻色調節遮蓋程度既面油,未乾仲可以撈埋用,做漸變甲或者近期大熱既大理石紋都得架,再唔係手殘如我都可以玩下雙色,黃X綠好有巴西Feel呀XD


Take it All Beauty Kit 臉部和眼部彩妝盒 (HK$220, 2個系列)
用左人造薩菲亞諾皮裝住一盒有齊臉同眼妝,兼有埋眼線筆同掃。
人造皮質感唔比真皮差架,重點係藍綠色係我大愛,好有夏日感覺。


上排骨色眼影,下排係陰影同胭脂。
除左胭脂色係帶珠光感之外,其他都係啞色系。


我先用中間既啡色畫眉,色澤有少少偏橙啡調,同我本身髮色都幾夾,習慣都會用眉Gel等眉毛色更自然。


眼妝順住深淺色去做一個最基本既眼妝,底色用手指上,Feel到眼影觸感既柔滑度,附設既眼影棒亦大細適中,眼影又好好Blend,好快手就完成到個基礎眼影啦。

最近都愛上左用啞色系,望落對眼都無咁腫架:)


呢枝眼線筆就一般般,夠黑得黎都幾好畫,不過就有少少溶,對於我呢類內雙眼皮既眼型,好易整花個妝,但應急時有眼線好過無眼線啦。


無特別技巧,但眼妝就好似自然溶入肌膚一樣,真係要讚呢個彩妝盒既選色呀:)


用埋個胭脂同做埋陰影,胭脂色自然得黎帶少少珠光感,用黎做日曬感好岩啊,所以我都係鼻翼位置掃左少少。
陰影就主要用黎修飾一下我既包包面。


大家都知我係唔郁既人XD
一定無可能好似奧運運動員咁凝聚每個人既目光,但只要發揮自己靚既一面,其實都可以好吸晴既:)
我覺得自己最吸引既地方就係夠自然,加埋少少親和力,我呢個奧運妝又唔知岩唔岩你?
不如你地都化返個以2016奧運為靈感的【The Beauty Games 】妝,參加KIKO The Beauty Games 國際挑戰同其他國家參賽者鬥靚喇! 只要上載你的彩妝造型至社交平台並加上 ‪#‎TheBeautyGamesHK‬ ‪#‎TheBeautyGames‬ ‪#‎kikotrendsetters‬ 即可參賽。

一齊為香港加油啦:)


【The Beauty Games 國際挑戰及玩遊戲羸8折優惠 】
進入 www.kikobeautygames.com 玩遊戲即可以8折優惠購買靈感來自2016奧運的 The Beauty Games 系列產品。

「產品及有關資料由品牌提供」
Related Posts Plugin for WordPress, Blogger...