2016年7月6日 星期三

延續髮廊級的效果‧ L'ORÉAL PRO FIBER 專業護髮療程

呢個春夏大吹日系粉彩髮色,Yandy都忍唔住漂髮跟下個Trend。

任性過後又係還既時候XD



經過漂染既頭髮,鱗狀表層受損,一般比較乾燥,睇落就好毛躁,打理變得好麻煩。
今次就黎到銅鑼灣既VEDA Salon,試下L'Oréal Professionnel PRO FIBER 專業護髮療程

呢個療程既特色係由專業髮型師分析你既髮質,15分鐘同時做好表面保護同內部修復(一般市面上既Treatment只能二揀一),再配合一整套家居護理組合,持續激活並將髮廊護理效果延續至六星期,慳返去Salon既時間,又Keep到好似岩岩做完Treatment既完美效果,最重要係自己動手做保養,成本一定平過做Treatment。
名乎其實既「快、靚、正」,即時修護、激活及持久功效:)

整個系列既產品真係睇到我眼都矇埋,但唔緊要,呢個療程著重個人化既專業諮詢診斷,髮型師既會以親身觸感進行髮質判斷,並且了解你打理頭髮既習慣同染燙歷史,幫你打造專屬既護理療程。
Yandy既頭髮算係比較幼身既,漂染後都有加強護理,所以只屬一般受損,決定左就即刻開始Treatment啦!
第一步係要洗乾淨個頭先,PRO FIBER 長效倍修復系列洗髮露質感好豐盈,散發陣陣香氣,加上髮型師溫柔既手勢,連洗頭既過程都好享受。

產品要分層均勻搽上,Yandy算係中長髮,一枝用量岩岩好。

再搽第二層,用量都帶精準既控制,半份就夠啦。

L'Oréal Professionnel PRO FIBER Professional Hair TreatmentPRO FIBER 專業護髮療程採用革命性配方 APTYL 100 分子複合物,將即時修護、激活及持久功效三大特點集於一身。
打破傳統護髮科技在表面保護或內部修復方面只能二擇其一的限制。


包住等頭髮吸收,20分鐘就可以洗啦。
再洗多次頭,搽埋PRO FIBER 長效倍修復系列免沖洗修護素先好吹頭呀:)
髮型師仲超貼心幫我修剪下髮腳,令髮型睇落更整齊。

完成!!!
毛燥唔見哂係最表面睇得到既效果,而摸上手既時間先係最有感既時刻,漂髮後一直有卡髮問題,Treatment後一抓到尾,頭髮一絲絲的,而且感覺到頭絲強韌有彈性左,柔順得黎唔會貼住哂個頭。


就等我返到去繼續用PRO FIBER 必備家居護理組合,睇下Keep唔Keep到呢個咁靚既狀態啦!


PRO FIBER 長效倍修復系列洗髮露 (HK$198/ 250ml)
PRO FIBER 長效倍修復系列護髮露 (HK$218/ 200ml)

Treatment過後,返到去繼續激活並將髮廊護理效果延續至六星期,好鐘意佢既香味,清得黎帶少少甜,洗髮露唔會好卡頭髮,洗起黎感覺好豐盈。

護髮露好潤,Feel到頭髮柔而強韌,唔會笠痴痴咁,洗得好安心。

PRO FIBER 長效倍修復系列護髮膜 (HK$218/ 200ml)
感覺再滋潤多少少,1-2星期一次就夠啦。

PRO FIBER 長效倍修復系列修護補充精華 (RE-BOOST) HK$360, 6 x 20ml (1 盒 6 支)

每第4次洗頭時再要用埋呢枝家用修護補充精華。
Keep住為秀髮注入APTYL 100分子複合物修護成分,修護、激活係屋企都可以自己做。
PRO FIBER系列洗髮露就可以延續Treatment既功效長達6個星期啦!

PRO FIBER 長效倍修復系列免沖洗修護素 (HK$198/ 75ml)

最後學髮型師,吹乾前用埋免沖洗修護素。

漂完既頭髮都有權咁柔順健康,無髮型師當日幫我整得咁順服,但自己動手,效果都Keep到8成,效果非常令人滿意:)


「產品及有關資料由品牌提供」
Related Posts Plugin for WordPress, Blogger...