2015年12月7日 星期一

快樂法則‧無懼肌膚變幻Bouncing IBUKI

10月尾時去左Shiseido見暖男店長,帶左Bouncing IBUKI對抗轉季天氣。
與Gen-Y Team快樂約會,仲製作「快樂錦囊」,寫下我的「快樂法則 / Happy Law」,用「Bouncing IBUKI快樂郵箱」寄,三個月後就會收到當日既快樂啦:)


反反覆覆又凍又熱,到底下月都未凍得定既冬天,加埋踏入左結婚旺季,我工作又唔定時,久不久仲要通下頂...
但肌膚依然乖巧聽話,呢一套Bouncing IBUKI 真係居功不少。
♥ Gentle Cleanser ($230/125ml)
♥ Softening Concentrate ($260/75ml)
♥ Refining Moisturizer ($380/75ml)
♥ Multi Solution Gel  ($350/30 ml)

每一日既保養都係由清潔開始,每件Shiseido既產品都有張全新保護貼,撕落黎個下真係勁爽架呢>////<
Gentle Cleanser 可以搓出好豐盈既泡泡,唔洗用咩網呀、球呀,用手就起到泡。

而且隻香味真係好令人懷念,陪左我大半個中學時期既洗面膏呀XD
細個冇乜錢,要買專櫃牌子都幾肉赤架,豪氣買一枝,用最少既膏搓最多既泡,就可以用到好耐啦,個時每一日洗面都有幸福既感覺XD

當然,洗完清爽既潔淨感覺係佢最得我喜心既原因。


Softening Concentrate 係幫肌膚極速補水既好物。
泵裝係我呢D懶小孩既恩物,而且半啫喱狀既質感唔易滴漏,懶用化妝棉都可以直接搽上面。

仲可以當急救Mask用,泵 6-8 次份量係化妝棉到,再敷係乾燥位置大約 10 分鐘,深層補濕。

Refining Moisturizer 係超級補濕、又好吸收既,完全Feel到肌膚係到吸緊水既感覺。
延伸性極強,用量少少已經有柔膚感,光澤都即時返哂黎


Softening Concentrate 再加埋Refining Moisturizer,肌膚已經好似亮左一度,通透亮白又水噹噹既感覺,搞到我呢排都懶懶地化妝,成日素顏XD

但都好似我所講既,天氣反反覆覆又凍又熱,踏入左結婚旺季,我工作又唔定時,久不久仲要通下頂...要應付工作上的壓力、每月的生理期、不健康飲食及通宵達旦,單靠肌膚免疫力似乎就唔多足夠啦。

好易形成暗瘡,長期仲會令毛孔粗大同皮膚粗糙,所以,要落多少少功夫:)


IBUKI Multi Solution Gel 多效修護啫喱 帶俾你美肌急救方案。

揉合各種高效成分,針對突如其來的肌膚瑕疵發揮作用,提升肌膚抵禦力。

獨特舒緩啫喱質感,可密集傳遞有效成分針對多重肌膚困擾如來自壓力及生活習慣之突發性肌膚粗糙、毛孔粗大及暗瘡進行急救。迅速解決突發性肌膚問題,不留疤痕、減緩焦慮。

加上SHISEIDO獨家開發既結構記憶網絡,啫喱配方每次開出黎都好似新既一樣咁平滑,同樣會根據肌膚狀態瞬間進行調節,緊貼肌膚,即使於不平滑的瑕疵部位,同樣都搽得均勻。

將佢用係護膚程序最後一步,上妝都平滑D呀。


指尖取適量塗抹於瑕疵部位,化妝後亦可以用,用輕拍手法黎搽就OK啦。
溫和高效配方,敏感肌等任何膚質都岩用。

有IBUKI做支援,告別暗瘡粗糙、粗大毛孔,皮膚靚靚,心情都靚靚, 面對生活中任何時刻都Keep住快快樂樂啦:)


「產品及有關資料由品牌提供」
Related Posts Plugin for WordPress, Blogger...