2018年1月10日 星期三

閃出韓式華妝光芒@LUNA X KYE

有留意開韓國野既朋友,相信對KYE呢個時裝設計品牌都唔會陌生,最近開架彩妝品牌LUNA同KYE就聯名推出左一系列彩妝品,實行由頭到腳都韓到底:)


LUNA X KYE 特別版彩妝系列
以金x黑做主調,閃爍艷麗,再加上一貫KYE既玩味風格,非常之咁搶眼。




LUNA X KYE Pro Contour Palette 立體輪廓修容盤 (HK$248@)
LUNA既底妝同遮瑕都好有名氣,一盒有齊打亮、遮瑕、修容同胭脂+唇色,打造輪廓妝容,去旅行連粉底都唔洗帶,超正。
膏狀質感好幼滑,推開濕潤度岩岩好。


色調好岩亞洲人,終於唔係D死白色,如果本身比較白淨/健康膚色既朋友仲可以自己依照需要混合調配出適合既色調,最特別係配左個橙調既胭脂色,MIX 個COVER色可以用埋黎遮黑眼圈,係實用度極高既底妝盤。


將修容盤既顏色由淺至深,搽係相應位置再用粉樸點印均勻。
亦都可以直接用手指既熱力推開,妝容會更加貼服架。


最後印埋胭脂,成個底妝就完成啦,非常簡單易用。
輪廓一下子立體哂,絕對要下手既好物!!!


LUNA X KYE Eye shadow Palette 5色眼影盤 (HK$198@)
滿滿既秋冬感眼影色,食正今年既橙調,同閃爆既金色真係好襯。
食正條水之餘又夠哂特別,加埋萬用既Nude Wear,日常妝同搶眼妝都可以照顧到。
唔好睇佢閃到爆,眼影質地非常之咁細滑又唔易飛粉,真係有D喜出望外。


我今次就用左Nude Wear 打底,底色夠乾淨,發色度會更靚。
Glam Flame做眼尾,Insta Glamour放眼頭,重點係用The Runway畫出假雙眼皮摺位,可以係下眼影三角位都加少少既,最後用Glitter Tatto畫出眼尾後半部既眼線。
眼仔好有層次,仲好閃好搶眼。


有包裝、又實用既兩盒小幫手就可以畫出亮麗搶眼既妝容,妝效絕對不遜於大牌架。
價位仲好親民,屈臣氏獨家發售,非常值得入手呀:)

LUNA HK Facebook: https://www.facebook.com/Cosmetic.LUNA.HK

「產品及有關資料由品牌提供」
Related Posts Plugin for WordPress, Blogger...