2017年5月28日 星期日

Yellow Box回憶的盒子

香港既生活空間細,全世界都知,而識得我都知道我唔係一個擅長整理既人^^"
搬左屋2年時間左右,屋企已經俾我塞滿哂>.<
趁住呢排假期比較多,我終於的起心肝處理一下D雜物啦!


坊間其實一直都有唔少迷你倉服務,但受到消防改例影響,實用面積大幅減少,租金亦都動輒過千,好似我呢D小資女絕對得個諗字。
而且諗深一層,下下都要自己提取,我一個弱雞女仔拎一轉野都咪話唔辛苦,真係隨時減到幾磅,所以遲遲未有行動。




最近就發現左呢個「保險箱形式的家居儲存服務」BigYellow Box。


以簡便既迷你箱代替迷你倉,只需安坐家中,預約運輸服務,出倉入倉都可以係屋企搞掂。如果你喜歡既,亦有獨立空間可以俾你親身到倉就提取。


我就揀左個
標準迷你箱 60cm(L) X 40cm(W) X 31.5cm(H)
價位只係$42/每箱/每月
佢話Size係大約放到20對鞋 或100件衫或150 DVDs
夠我成個人坐到入箱,都幾大,但如果仲唔夠,其實都仲有大箱同特大箱。


其實識我既人都知我係宅宅一名,中學時期瘋狂打機XD
當時極度迷一隻叫RO既ONLINE GAME,相信而家既小朋友未必知道係咩((我老啦!
一路玩我一路畫低左遊戲既小紀錄,而家拎返出黎真係滿滿既回憶。


玩左ONLINE GAME之後識左一班打機既朋友仔,帶我去機舖玩音樂GAME。
我叫呢隻GAME做八爪魚,有效個制跟住節拍禁禁禁,可愛到震既角色完全係我杯茶XD


除左自己既畫作,當年都買左唔少畫集,當年要成幾百蚊本,要儲幾個月零用錢先買到。
將我滿滿既回憶都入哂箱,不過標準箱限重25kg,如果全部放書係會超重架,所以我只係放左半箱,小說、漫畫個D我就無放啦,另外半箱既空間就放埋D畫具,有Marker、水彩、乾粉彩...而家太懶,基本上都無再畫啦!


封箱!
BTW,Yellow Box既運送團隊最多等20分鐘,所以要係箱黎到之前執好要入箱既野,一送到就放哂入去。
如果係20分鐘無法交回儲物箱,你都可以再預約運送團隊安排第箱既,不過就要俾多HK$50 + 每箱$30的運費啦。

同埋都要留意下,以下危險品係唔可以入箱架!
第1 類: 爆炸品及爆破劑
第2 類: 壓縮氣體
第3 類: 腐蝕性物質
第4 類: 有毒物質
第5 類: 發出易著火蒸氣的物質
第6 類: 與水相互影響會變為危險的物質
第7 類: 強力助燃劑
第8 類: 隨時可能燃燒的物質
第9 類: 可自燃的物質
第9A 類:可能燃燒物品
第10 類:其他危險物質


輕輕鬆鬆鄧梓峰,話咁快就搞掂!
而且只需登入Yellow Box 網站(http://yellowbox.com.hk/或即將推出的流動或即將推出的流動裝置應用程式),就可以睇到儲存既物件,喜歡既話仲可以加上防啟封條。
不過我呢D野無人會想偷XD

慳返唔少位,又可以買新衫啦:)


「產品及有關資料由品牌提供」

沒有留言:

張貼留言

Related Posts Plugin for WordPress, Blogger...