2016年4月11日 星期一

女生最愛Bilibala

係銅鑼灣想搵個吹水食飯既地方真係越黎越難,今次仲係同好姊妹慶生,R爆頭...
不過皇天不負有心人,最後搵到呢間Bilibala:)

淨係聽個名都知岩哂吹水啦XD
位置係希雲街23號禮雲大樓地下,對於路痴既我有少少難搵,主打日式串燒既酒吧,對住服務式住宅,安安靜靜吹水既好地方。




外面有企位Happy Hour飲野好有Feel,但我地是日興生都係坐返入面圍埋一堆開心D。


雖是酒吧,但我呢個可樂精又點會唔揀可樂先得架,但粒波波冰令成杯可樂升級左XDDD


先黎個D餐前小食,黑松露冷日本蕃茄,個人麻麻地黑松露,但如果你岩既應該會幾鐘意,我就拎開左,蕃茄好Juicy,日式沙律醬汁加左七味粉溝出黎,好醒胃呢。

燒鱈魚棒同白飯魚乾,燒鱈魚棒似係平時食既鱈魚絲燒香左,少少脆又粉粉地咁,邊吹邊𡁻都幾過癮。
白飯魚乾係平時食既白魚仔整埋一堆,好似食緊薯片既感覺,仲好香口呢。


日本蔬菜燒 -青椒仔、蕃薯仔同粟米,青椒請放過我,蕃薯仔我成日BBQ都買黎燒,咁當然係佢地燒得好味D啦,但大推一定要食呢隻日本蕃薯,超好食!
粟米又甜又香,明明係就咁燒,但都可以咁好味,食材的重要性。

右上:雞翼X燒白膳,雞翼唔會好乾身,外脆內嫩。白膳都幾肥美,本身唔太食魚的我都覺得唔錯。
右中:免治雞肉鵪鶉蛋,不得了,免治雞肉本身我都已經好Like,加埋隻鵪鶉蛋成件事既刻無咁膩,正!
右下:雞胸軟骨燒到幾香口,不過要𡁻好耐,懶人Yandy表示口很累...XP


左上:牛舌X牛柳,牛舌我很一般,單純個人感覺唔好,牛柳好香牛肉味,又軟滑多汁,必食!
右上:豆腐,外脆內嫩,D皮好香口,豆腐滑到可以用飲管吸,不過小心燙口。
下:煙肉提子,平時煙肉車厘茄我很一般,雖然幾清新,但車厘茄皮太厚又太大粒,但換左做提子就昇華左,甜味同煙肉既咸味非常配合,仲Feel唔到提子皮既存在,完美既配搭!


海膽博多,海膽好香濃,下面有少少肉肉,再加埋好Juicy既菇,好味:)
蘑菇X舞茸,最愛白蘑菇,舞茸菇味濃得黎幾有口感。


帶子加埋D汁,有帶子既鮮甜味又帶少少咸,Nice!
芝士年糕,樣子很可愛,其實係好邪惡既食物,仲要小心燙口。
再加埋一口芝士,久不久都要放縱下食慾既XD


最後黎個冷烏冬作結,清一清熱氣既感覺,中和返D味覺。

四個女仔食住串燒吹足一晚,最鐘意Bilibala既選址,旺中帶靜,好岩朋友吹水Happy Hour,邊吹邊食,等下食下岩岩好,而且店主顧客都有傾有講,人情味十足。
整體食物唔錯,好有水準,食材新鮮,而且唔少配搭都幾有驚喜。


「產品及有關資料由品牌提供」
Related Posts Plugin for WordPress, Blogger...