2018年3月15日 星期四

微透亮春日妝容‧我的專屬絕配粉底@innisfree MY FOUNDATION

平日成日去買粉底,左試右試,唔係唔岩色就係唔夠遮瑕度,到揀岩遮瑕度又唔係好夠光澤水潤感,想搵隻岩心水既粉底,分分鐘仲難過搵你既真命天子。

不過,全新 innisfree MY FOUNDATION 我的專屬絕配粉底,緊接韓國,3月1日搶先推出左啦!
只需3個步驟,50個專屬粉底組合,就可以幫你搵到命中注定既絕配粉底。


♥ innisfree My Foundation 粉底液系列 (HK$195/ 30ml)
♥ My To Go Cushion 我的專屬絕配氣墊粉底 (HK$220/ 13g)
♥ Vivid Creamy Tint 顯色潤澤唇彩 (HK$ 88/ 4.5g)




緊接韓國「粉底銀行」概念熱潮,我都搵到我的專屬絕配粉底啦>////<


My Foundation我的專屬絕配粉底根據不同妝感、膚質及膚色既需要而創製出50個粉底組合, innisfree既BA會為你進行簡易而專業的肌膚狀態分析,再依照你所適合及喜愛既保濕度、遮瑕度及色調選擇。
§ 步驟1
保濕度選擇,會影響妝感同質地,有 1. 啞緻 (Matte)、2. 絲滑 (Semi-Matte) 及3. 亮澤 (Glow)
§ 步驟2
遮瑕度選擇,共有1-5的遮瑕程度,1提供自然遮瑕效果,而5則可營造特強遮瑕。
啞緻 (Matte) 遮瑕度備有1/ 3/ 5程度的選擇
絲滑 (Semi-Matte) 妝感則提供全部5個遮瑕度的選擇
亮澤 (Glow)可選擇1/3遮瑕度
§ 步驟3
色調選擇,共有五個色調選擇,C13 (light beige)為最透白,色調延伸至 C21 (pink beige)、N21 (natural beige)、N22 (medium beige)以及自然色調N23 (true beige)。


係BA幫助下,我既號碼組合出世啦:)


活動當日仲有刻名服務,我既專屬絕配粉底就咁出世啦!


我既專屬絕配粉底號碼組合係3.3,者係亮澤 (Glow)+中度遮瑕,色號就係N22 (medium beige)。
而氣墊粉底號碼組合係2.2,絲滑 (Semi-Matte) +自然遮瑕,色號同樣係N22 (medium beige)。
睇得出粉底液既光澤感明顯比較強烈,好期待水噹噹既妝效。

♥ innisfree My Foundation 粉底液系列 (HK$195/ 30ml)
即刻試下上面既效果,感覺都幾易上妝,輕輕按壓或者直接推開都好貼服。
我咁岩早上有化妝工作,晚上約左朋友食飯,一於做下實測啦。


一如我所期待,遮瑕度亦岩岩夠遮到我既痘印,唔太厚重得黎,妝感貼服得黎好有光澤。
黑眼圈唔算太嚴重,唔需要用遮瑕膏都無問題,而深色/岩岩生既痘痘就需要局部加少少遮瑕膏啦。


化埋個妝,妝感透峴柔和自然既光澤,又唔會太過油膩感。
最近瑕疵比較多,揀左中度遮瑕,大約遮到7成瑕疵,非常近睇都會見到少少痘印,但我覺得都好足夠啦,為春夏妝容保留一份輕柔感。

完妝時間大約係早上8:00AM。


工作完成後,返到屋企大約3:00PM,出左門7個鐘左右,妝容大致都保持得唔錯,無變黃、氧化問題,光澤感比起完妝時強烈左少少咁啦,但都唔會係油淋淋既。
下巴、鼻翼位置有好輕微既小脫妝,痘印明顯左少少,但對於整體持妝度我都幾滿意既。


♥ My To Go Cushion 我的專屬絕配氣墊粉底 (HK$220/ 13g)
距離約朋友晚飯仲有少少時間,即刻用氣墊粉底補個妝先。


我的專屬絕配氣墊粉底共有15個色調選擇,備有SPF 35 PA++防曬效果,同樣可根據保濕度、遮瑕度及色調選擇,仲可以加配絕配氣墊粉撲配合使用。


個人鐘意佢有少少防曬度,補妝時可以同時補埋防曬,按壓上妝令脫妝既位置平滑左,妝效細緻自然,好似岩岩完妝咁。
我故意揀左比My Foundation 粉底液更輕薄少少既2.2,絲滑 (Semi-Matte) +自然遮瑕氣墊粉底,令補完妝既妝感都唔會過於厚重,但又足夠修飾返脫妝後既小瑕疵,效果岩岩好。


♥ Vivid Creamy Tint 顯色潤澤唇彩 (HK$ 88/ 4.5g)
發佈會的另一焦點當然係全新推出既Vivid Creamy Tint,加入洋甘菊、橄欖葉、薰衣草、山茶花及菜籽油等滋潤成分,修護雙唇。
共有12個色調,紅、粉紅及橙系為妝容添上水潤春日氣息。


柔滑霜狀質感,但顯色度極高,加上持久不脫色。
上唇效果非常水嫩顯色,好適合做咬唇妝。
食野飲野都Keep到一少少色係唇上,唔會食完野就變蒼白唇架。


簡簡單單既日常妝,一下子就變得好有韓味啦:)

如果你仲苦惱緊粉底搵唔岩心水,不如就試下innisfree啦。
3個步驟,50個專屬粉底組合,點都有一款切合你既需求,完全貼合肌膚既「命中注定」粉底。

了解更多:
顧客服務熱線:3758 2988
網址:www.innisfree.com
HKInnisfree Instagram/ Facebook: @innisfreehongkong
#與我絕配 #我的專屬粉底 #MyStyle #MyFoundation #innisfreehongkong

「產品及有關資料由品牌提供」
Related Posts Plugin for WordPress, Blogger...