2016年9月5日 星期一

荷里活級數洗護‧造型@Marc Anthony

一到夏天Yandy D頭髮就唔多聽話,可能又熱又濕,頭髮好易塌哂,加埋D汗水油份,我個齊陰呀T^T

今次收到岩岩由荷里活黎到香港既Marc Anthony洗護同造型產品。
意大利製造,獨有染髮親和配方,不含硫酸鹽起泡成份,不會減褪染髮效果。

我就揀左翠竹蛋白系列同夢幻曲線造型噴霧。



翠竹蛋白系列 (HK$79.9/ 250ml)
含豐富翠竹纖維及膠原蛋白,有效令髮絲更強韌豐盈。
非常岩我呢類軟弱無力既髮絲,清潔同時提升返頭髮既強韌度同彈性,咁就無咁影塌哂啦!


洗髮乳同護髮乳都有陣淡淡既清新香氣,洗髮乳不含硫酸鹽起泡成份,用起黎更安心,洗、抓、按摩既過程頭髮都唔會糾結。
護髮乳亦唔會滑到洗唔甩咁。

用左一星期左右,頭髮的確無咁易塌,清爽度UP+,而且毛燥感亦大減。
價位比一般洗護產品貴少少,但值得俾多少少既。

Marc Anthony嘅夢幻曲線造型噴霧 (HK$89.9/ 125ml)
雖然個名叫BEACH SPRAY,但都唔剩係去沙灘先用得既,佢有保濕、提亮同抗UV既效果,日常用黎整理頭毛都非常適合,重點係夠方便,一噴、一梳就搞掂。

直髮用可以加強層次感,曲髮用可以令線條更突出。
我貪方便噴完會直接用五指梳抓幾下,已經足夠撫平毛燥,令髮絲整齊得黎一絲絲好有下垂感。
不過個人就唔太喜歡佢係云尼拿味,感覺好似個頭上面有蛋糕咁,Heavy,唔夠夏天,不過相信好多女仔都。

Marc Anthony於香港及澳門 屈臣氏個人護理店 (Watsons HK) 獨家發售。

「產品及有關資料由品牌提供」
Related Posts Plugin for WordPress, Blogger...