2017年2月3日 星期五

眼妝始祖‧層次既完美表現@BCL

對於豆豉眼既我而言,大眼妝依然都係我最常用既一款:)
近年雖然韓風大吹,但試黎試去依然回歸精緻度較優既日系妝物。
今個新年妝我選擇從簡,親戚們比較傾向自然僕素既妝感,太潮會嚇親人呀XD
留返同姊妹閨蜜約會先出場啦!


24小時持妝‧日系眼妝始祖品牌BCL BrowLash EX系列
無錯!
新年晨咁早起身,四圍去拜年,一日走幾場,想偷個時間補補妝都唔係咁易,如果溶妝搞到成個熊貓眼都咪話唔嚇人,所以妝容既持久度非常重要!
呢幾日拜年既妝容,無懼毛毛細雨既威脅,完美持妝,唔怪得累計銷售超過1000萬支咁厲害啦!


BrowLash EX 防水兩用眉筆 (HK$98@)

由眉妝開始,呢枝眉筆我用左好幾年,當時第一次知道有眉液呢樣野,貪新鮮既我當然第一時間敗返黎試,一試之下不得了,效果自然,操控容易,加上色澤非常合心,我立即介紹俾唔少好姊妹。

顏色選擇有灰啡色及自然啡色,一邊是眉筆,另一邊是眉液。
防水、防汗、防油脂,兼24小時持久長效配方。

我以前係用開自然啡色既,飄眉之後,眉色慢慢變紅,所以換上比較深色既灰啡色。
用法係直接用眉筆畫返眉型,筆芯粗幼合適,一轉就用得,唔洗筆刨,好方便。
之後我會用另一邊既眉液畫出眉尾,,眉毛比較稀疏既位置都可以用眉液畫出一條條既眉毛,令成個眉妝既精緻度更上一層樓。


睇睇Before、After,眉真係成個妝既重點,輪廓即刻出哂黎。
所以唔好偷懶,多花少少心機畫堂精緻既眉啦:)


BrowLash EX 防水眼線液 (升級版) HK$75@

黎到眼妝部分,同樣都係防水、防汗、防油脂,兼24小時持久長效配方。
海綿頭既筆尖好處係易控制,新手都好易掌握,岩岩新開感覺水左D。
顏色方面有深邃濃黑及柔和深棕,個人超喜歡佢既深棕色,顏色自然得黎又夠深。


佢有速乾易卸妝配方,畫內眼線都無問題。
我就最鐘意用佢黎點下眼線既三角位,效果好自然。
仲可以用黎開眼頭,偷偷地放大眼仔XD


外眼線當然都無問題啦,我最近鐘意畫半條,雙眼皮會更加出架。

BrowLash EX 梳型濃密纖長睫毛液 (HK$108@)

我今次係第一次用BCL既睫毛液,含5種美容精華成份,化妝同時修護睫毛。
刷頭都幾特別,7行鋸齒排列梳型刷頭,可沾上大量睫毛液,讓每根睫毛更延長分明、不糾結。


掃上睫毛液既時候,睫毛如孔雀開屏般一根根放射散開,打造完美扇形睫毛,用落非常之就手,仲係快乾配方,掃完幾秒就乾,唔怕眨眼整污糟。
效果非常滿意,睫毛長左成倍呀:)
防水、防汗、防油脂,24小時持久長效配方,仲係暖水可卸落。


整體非常喜歡BCL  BrowLash EX系列,容易掌控,用起黎非常順心,輕鬆畫出迷人既眼妝,令雙眸明亮有神。
相信無論係性感貓眼妝、可愛杏眼妝,還是娃娃大眼妝,畫起黎都可以得心應手,畫出心目中理想眼妝。


難得咁俾心機畫左堂靚眉,都係夾起瀏海Show off下先得:)
新一年,祝大家妝容既精緻度更上一層樓!


BCL BrowLash EX於 SaSa、Log on、Colourmix、Citi store、AEON、UNY及wishh店舖發售。

「產品及有關資料由品牌提供」
Related Posts Plugin for WordPress, Blogger...